هنا موقع تسجيلات بكالوريا 2021 – BAC.ONEC.DZ
من هنا موقع تسجيلات البكالوريا 2021:
سؤال 01 :سجلت في موقع البكالوريا وخرجت الإستمارة , بعدها اكتشفت أني غلطت في أحد المعلومات تاعي , وش لازم ندير ؟
الجواب : تعاود تدخل من جديد لموقع تسجيلات البكالوريا , وتضغط على ” تصحيح الخطأ ” :
– تختار الولاية لي سجلت فيها + اسم المستخدم + الرقم السري ثم تضغط على تصحيح الخطأ , وتروح تعدل على الخطأ لي درتو
– بعدها لازم عليك تختار اسم مستخدم جديد , ثم تطبع الإستمارة الجديدة
سؤال 02 :كي صلحت الخطأ تاعي , وقلتلي لازم ندير معاه اسم مستخدم جديد , واسم المستخدم تاعي الأول القديم وش يصرا معاه ؟
الجواب : هذاك خلاص تنساه ماتزيدش تخدم بيه , وتخدم فقط بالإسم المستخدم الجديد لي فيه المعلومات الصحيحة تاعك , أما القديم سيحذف لوحده بشكل آلي لأنو مراحش تدفع الإستمارة القديمة .
سؤال 03 : سجلت في موقع البكالوريا وخرجت الإستمارة , ورحت خلصت الدراهم في البريد , بعدها اكتشفت أني غلطت في أحد المعلومات تاعي , وش لازم ندير ؟!
الجواب :
– بما أنك رحت خلصت في البريد , فأكيد يكونو مدولك الوصل بلي راك خلصت
تسجيلات البكالوريا 2021 inscription bac: I:
– في هاذ الحالة عندك زوج حاجات نقولك عليهم :
الأولى : قم بفتح حساب جديد ( اضغط على زر تصحيح خطأ ) ولكن كيما فهمتك لازم عليك تختار اسم مستخدم جديد ودير طباعة باش تخرجلك المعلومات الصحيحة
– الآن ادي معاك الملفات اللازمة وروح للمكان لي تدفع فيه الملف
– بعدها فهمهم بالمشكل تاعك مليح وقوللهم أنك غلطت في التسجيل , ورحت خلصت دراهم أولا , بعدها رحت فتحت حساب جديد , قوللهم هل عادي تقبلو الإستمارة الجديدة ( لأنو الكودبار مختلف بين الإستمارة الجديدة وبين وصل دفع الحقوق الخاص بالإستمارة الأولى )
يلا قالولك عادي خلاص المشكل تاعك اتحل , يعني تحط الوصل لي خلصت بيه الدراهم مع الأول وتحط الإستمارة الثانية لي فيها المعلومات الصحيحة تاعك
– إذا قالولك لالا
فهنا قم بدفع الإستمارة هاذيك لي فيها خطأ يعني لي ماشي مصححة , وتدفع معاها حقوق التسجيل
بعدها في الفترة الثانية مابين 01 إلى 15 مارس ان شاء الله وهي مرحلة تأكيد المعلومات , هنا في هاذ الفترة
لازم عليك تصلح الخطأ عن طريق كتابة طلب خطي وتكتب الخطأ والتصحيح وتحط الطلب هذا في مديرية التربية بعدها هوما يتكفلو بالتصحيح ان شاء الله.
